Chapter 34

Surprised

Nasa mesa na kaming lahat dahil nandito na ang lahat ng pagkain at preparado na.

"Bago tayo magsimula nais ko sanang pangunahan mo kami hijo sa pagdadasal at nang makapagpasalamat tayo sa Diyos sa biyayang narito sa ating harapan," wika ni Manang nang nakatingin kay Alex at saka umupo nang matapos siyang makapaghugas ng kamay sa lababo. Agad akong napatingin kay Alex at na-curious kung kaya ba niya? Ewan ko na lang kung ako, baka mapatawa ako sa kalagitnaan ng dasal.

"Ah, sige po," agad na sagot ni Alex. Really, magdadasal siya? Kung itutuloy niya ito, ito 'yung unang beses na maririnig ko siyang magdadasal. Sa mga oras na kasama ko siya, ni minsan hindi ko siya nakita o narinig man lang na nagdasal. Muk