CHAPTER 57: Apollo Turned Into A Beast

Nasa hapag kainan na silang lahat upang kumain, pero si Melody ay wala sa sarili. She doesn’t even know na si Apollo na pala ang naglagay ng pagkain sa kaniyang plato. Ang kaniyang isipan ay naglalaro kay Atlas at Athena.

Ang nakaraan niya ay tila isang bombang any time ay maaaring sumabog. Kapag nangyari ’yon ay baka kamuhian siya ni Apollo. Masasaktan ng sobra pati ang mga anak niya.

“Are you sure you are okay?” nababahala na si Apollo sa pagiging tahimik at matamlay ni Melody.

Pilit na ngumiti si Melody. “Oo naman, okay lang ako.” tugon niya at sumulyap kay Athena nang marinig niya itong bumubulong kay Atlas kaya napatingin din siya kay Atlas na kasalukuyan na pa lang nakatitig sa kaniya.

Binalewala niya ang tila bulungan ng dalawa at nagsimulang kumain. Hindi niya gusto ang mga pagkain pero pa simple na lamang siyang kumakain kahit kaunti lang. Para lang hindi maghinala pa lalo si Apollo, at para rin hindi na magtaka pa ang iba niyang kasama.

“So, Melody, tell me about yourself.”