CHAPTER 92 NAPHINTASH MALL

Masayang-masaya ang mga bata, habang naglalaro sa malawak na Toy Kingdom sa loob ng Mall. Klase-klaseng mga rides at laruan na pang-bata. Colorful ang paligid at hindi rin basta-basta makalabas ang mga ito dahil may taga-bantay sa entrance at may mga attendant din na nagkalat para magbantay sa mga bata. May mga CCTV din sa lahat ng sulok kaya makikita nila sa monitor ang mga batang naglalaro sa loob.

Sina Aliyah at Dianne naman natutuwang pinapanood sa monitor ang mga anak habang nakaupo, pakape-kape at nag-uusap sa labas ng toy kingdom. Walang pagsidlan ng tuwa at kagalakan sa mukha ng mga bata.

"Manang-mana talaga ang kambal kay Reed. Lakas talaga ang genes ng mokong!" Napangiting sambit ni Dianne kapag kuwa'y matapos sumimsim ng kape.

"Kaya nga e. Hindi man lang naging babae ang isa sa kambal." Natatawang sagot naman ni Aliyah.

" Problema ba yan? Eh, di gumawa ulit." May pang-aasar sa boses ni Dianne.

"Akala mo naman madali lang manganak." Nakangiwing sagot niya.

"Yan lang! Nakak