Chapter 107

ISANG BUWAN ang mabilis na lumipas. Nakuha na ni Ffion ang hustisyang hinahangad ngunit sa puso niya, hindi pa rin siya masaya. 'Bakit nga ba? Bakit nga ba hindi ako masaya?' Humigpit ang pagkakahawak niya sa ballpen habang tinitigan ang sarili sa salamin. 'Hindi ba ito ang gusto natin, Ffion? Ang magdusa ang mga taong nanakit sa 'tin? Pero bakit ang lungkot-lungkot mo pa rin? Bakit hindi ka pa rin masaya? Bakit ang bigat-bigat pa rin ng puso mo at hanggang ngayon, tinatanong natin sa sarili natin kung bakit hanggang ngayon, masakit pa rin?'

Pinilig niya ang ulo at muling nag-focus sa ginagawa. Kung hindi pa tumunog ang cellphone niya, hindi niya ulit mapapansin na madilim na sa labas dahil gabi na. Isang text ang natanggap niya kay Lucas na hindi siya masusundo nito ngayon dahil sandali itong pinauwi ng Ama nito sa hasyenda. Hindi na siya nagtanong kung saan.

Mabilis niyang niligpit ang gamit at dinampot ang cellphone saka ang susi. Napansin niyang nagsiuwian na ang mga employee niya