Chapter 135 - Isang Bese Lang

"LOLA! Lolo, 'andito na ako!" Masayang pagbabalita ni Marriame nang dumating siya. Tanging gasira lang ang nagbibigay ng ilaw sa loob ng kabahayan nila.

Isang malakas na sapok naman ng kaniyang lola Amparo ang kaniyang nakuha sa stick nito. Napanguso tuloy siya at napakamot sa ulong nahagip ng stick. 'Di niya napaghandaan 'yon, ah! Nakalimutan niya nang laging ginagawa ito ng lola niya sa tuwing ginagabi siya ng uwi. Na-excite kasi siya masyado kay Lucas!

"Huwag na kasi kayo magalit."

"At anong gusto mong gawin namin Maring? Ang tumawa dahil ginabi ka?!"

"Ito naman si Lola Amparo—"

"Hayaan mo na si Maring, Amparo. Pangit naman ang apo natin kaya walang magkakamaling humarang d'yan sa daan. Pati nga mga maligno at engkanto ay takot d'yan sa mukha ng apo mo, oh."

"Wow 'Lo, sakit niyo magsalita."

"Minsan nakakasakit talaga ang katotohanan, apo."

Napaismid lang siya sa tinuran ng matanda. Pero agad din napangiti at binigay sa mga ito ang mga pinamili bago nagmano.

"O, aba ay tingnan mo