CHAPTER 66

“NAKO! Kung nandoon lang ako nang lumapit sa ’yo ang babaeng ’yon, baka hindi lang kape ang isinaboy ko sa kaniya. Nakakagigil ang Naya na ’yon!”

Halata sa mukha ni Jass ang labis na panggigigil kay Naya habang nasa biyahe na kami.

Oh, God! Kahit naman ako ay nanggigigil talaga sa babaeng ’yon. Pero pasalamat siya at nakapagpigil ako. Dahil kung hindi, mapapahiya talaga ang bruhang ’yon sa loob ng coffee shop.

Malalim na buntong-hininga ang pinakawalan ko sa ere habang nakasandal ako sa upuan at nakatanaw sa labas ng bintana.

“Hayaan mo na siya, bes,” sabi ko. “But the next time she appears in front of me, I’ll make sure na hindi ko na palalampasin ang galit ko sa kaniya.”

“Isama mo ako, bes. Gusto ko rin ilabas ang galit ko sa bruhang ’yon! Maiganti man lang kita sa ginawa niya noon sa ’yo.” Anang Jass.

Napangiti na lamang ako dahil sa sinabi ni Jass. I’m so thankful na narito sa tabi ko ngayon si Jass. I mean, since then until now, laging ito ang nasa tabi ko para damayan at kamp