(S2) 48. DECLINING 1

TRACE

“And who’s the devil that told you to decide for me?!” galit kong pasigaw na tanong sa tatay ko na nakikita kong papasok pa lang ng bahay.

Napatingala si papa para tingnan ako at napailing na parang nakakita ng malaking problema.

“Bumaba ka nga rito, Trace…” utos niya sa akin.

Nilingon ko si Chloe na nakaupo lang sa gilid ng kama sa kwarto ko. Nakatingin siya sa tambak na Doraemon sa isang side ng kwarto na nakahilera. Hindi ko alam bakit nakalabas ang lahat ng mga ‘yon dahil nakatago naman ang karamihan nakaraan at isa lang ang nasa labas. Baka nag-ayos si Yaya Cora nang mga gamit ko at nakatuwaan ang puro Doraemon na stuffed toys ilabas.

Kararating lang namin dito sa Salvacion, ang plano ko na one week sa Palawan ay naging dalawang araw lang dahil pagkatapos namin makabalik sa yate pagkatapos naming magtalo ni Chloe ay naging tahimik na siya.

Ang dalawang lalaki na kinatatakutan niya ay pinaimbestigahan ko na kay Keros at ang report sa akin ay walang problema sa mga