55. TWH

[Pamela]

MALAKAS siyang napasigaw sa gulat ng makarinig na ng magkakasunod na putok ng baril. Nagmamadali siyang tumakbo papasok ng kwarto habang nakahawak sa kanyang tiyan. Nagsimula ng manginig ang katawan niya dahil sa takot, hindi lang para sa sarili niya kundi para sa anak niya.

Magkakasunod pa na putok ng baril ang kanyang narinig, kaya naman nagtakip siya ng tenga. Hindi nagtagal ay nakarinig siya ng malakas na katok sa mismong pinto ng kwarto niya, kaya nadoble ang takot na nararamdaman niya ngayon.

Hindi niya magawang magsalita dahil sa takot na marinig siya ng taong kumakatok sa pinto. Kulang nalang ay pigilin niya ang kanyang paghinga.

Malakas siyang napatili ng marinig ang pagsipa ng kung sino sa pinto na halatang balak pang wasakin ito. Dinampot niya ang lampshade para magamit niya panghampas sa kung sino man ang papasok.

"Pamela!" Si Rob!

"W-Wag kang lalapit, Rob!" Aniya habang hawak ng madiin ang lampshade. Hindi siya dapat magtiwala rito. Naalala niya ang baril na naki