46. TWISTED (EXPLICIT CONTENT)

SUMULYAP siya kay Draken, pero agad din siyang nag iwas ng tingin ng makita na malagkit ang tingin nito sa kanya, katulad ng inaasahan niya.

Yumuko siya. "G-gusto ko sanang magpahinga ngayon." Pinilit niyang patatagin ang boses pero bigo siya dahil nabasag iyon.

Isipin niya palang na hahawakan siya nito ay nandidiri na siya.

Rinig niya ang pagbuntong-hininga nito. "Alright." Inalis nito ang kamay na nakapatong sa hita niya at nagpatuloy sa pagkain.

Nakahinga siya ng maluwag. Nang maubos niya ang pagkain na nasa plato ay kumain rin siya ng maraming cake.

Pagkatapos niyang kumain ay agad na ininom niya ang juice na sinalin kanina ni Draken sa baso para sa kanya kanina.

Tapos na silang kumain pero nakaupo parin sila sa kinauupuan nila. Hindi niya ito nililingon dahil ramdam niya ang paninitig nito sa kanya.

Ni ang paglunok ay hindi niya magawa. Gusto niya sana magpahinga tulad ng sinabi niya kanina pero natatakot siya na baka kung ano ang gawin nito sa oras na makarating sila sa kwarto.