55. TWISTED (EXPLICIT CONTENT)

PINAHID niya ang mukha na puno ng luha at naglakad palabas ng kusina. Hindi niya alam kung ano ang rason ng pagpapaputok ng baril ng tauhan ni Piero pero wala na siyang pakialam ro'n. Ang gusto niya ay pumunta ng garden para do'n maglabas ng isang katerbang luha.

Kahit gabi na ay maliwanag sa paligid ng mansion dahil sa mga poste ng ilaw na nakapaligid rito.

Natuptop niya ang bibig ng makarating sa garden. Pa'no ay nakita niya si Piero na may taong binubugbog, habang si Draken at Leo ay nakatingin lang na tila ba nasisiyahan sa ginagawa ni Piero.

Ang mga puting bulaklak na naroon ay mayro'n tilamsik ng dugo.

"D-Diyos ko..." Humakbang siya paatras. Duguan na ang tao na ngayon ay sinisipa ni Piero ng magkakasunod.

Akala niya ay kaya na niya maging matapang dahil sa mga nalaman niya, pero hindi pala. Dahil ng lumingon sa pwesto niya si Piero na may mabalagsik na tingin ay tila hihiwalay ang kaluluwa niya sa takot.

"R-Re...gina..."

Nanlaki ang mata niya. Ang taong nasa gitna ng mga bulak