Tainted Hearts 55

Nagpanggap akong nakatanaw sa pag-alis ni Creed dahil hindi ko maharap si Lennox na naghihintay sa harapan ko. Biglaan ang pagkabalisa ko dahil napag-isa kami.

"Halika na."

Hinila niya ako sa braso at dinala papunta sa sasakyan namin. Mabilis kong hinawi paalis ang kamay niya dahil nagtaasan ang mga balahibo ko sa pagdampi sa balat ko ng magaspang niyang palad.

"Hindi na. Hihintayin ko na lang dito si Creed."

Napalunok ako nang tusukin niya ako ng matalim na tingin. Asiwa kong nginuya ang ibabang labi ko bago nag-iwas. Being alone with him like this after years feels awkward. Sa halip na nasa kanya ang tingin ko dahil nasa harapan ko siya, nasa dalawang lalaki na nauna nang magkarerahan sa tubig ang tanaw ko.

"Ano ang gagawin mo ritong mag-isa?"

Naghalukipkip ako at itinuring siyang hangin dahil hindi ko siya pinapansin. Nasa harap ang tingin ko pero nakikita ko siya sa gilid ng aking mata. Iritado siyang nagbuntonghininga at tinalikuran ako.

I glance at him sideways. He was talking to