Chapter 17

Nakatulugan ko ang paghintay kung kelan aalis si Calyx dito sa condo ni Sir Luke. Sa sobrang pagkabagot ko kanina, humiga ako sa kama at yon nga nakatulog ako. Natatakot kasi akong lumabas dito sa silid ko dahil kabilin-bilinan niyang dito lang ako hanggat may bisita pa sa labas.

Ewan ko ba kay Sir Luke bakit kaya ayaw niyang makipagkaibigan ako kay Calyx gayong mukhang mabait naman ito, medyo maligalig nga lang pero feeling ko magki-click kami. Feeling ko para din siyang si Gaden, masarap kaibigan, yong tipong cool kasama. Siguro kapag naging kaibigan ko 'to may dadagdag na sa listahan ko ng manglilibre sa akin sa jollibee.

Bumangon ako at naghilamos muna. Siguro wala na si Calyx ngayon ilang oras din akong nakatulog. Sinuot ko ang damit na binigay niya sa akin, para makasigurong maayos ang suot ko sakaling nasa labas pa ito.

Mag-aalas sais na nang gabi kailangan ko nang magluto ng hapunan namin. Hindi ko sinuot ang pajama niya, may shorts naman ako tsaka mahaba naman tong t-shirt n