Chapter 33

Mabilis kong natulak si Silas nang biglang nagbukas ang pinto at niluwa noon si Seya.

Kaya ang naging kinalabasan ay nakaupo sa sahig si Silas habang ako ay nakaupo rin sa kama pero hindi maitago ang kaba.

Si Seya naman ang nagtatakang tumingin sa amin at papalit-palit ang tingin ng mga mata nito sa amin.

"Did something happened before I came?" she asked confusedly.

Sunod-sunod akong umiling at mabilis na inalok siya na umupo sa tabi ko.

Sikreto ko naman pinanliitan si Silas ng mga mata at sinabi na 'lagot ka sa akin mamaya'.

Inakbayan ko siya habang si Silas ay nakaupo pa rin sa sahig kung saan ay nasa harapan namin siya.

"You can sit here," wika ni Seya kay Silas at saka tinapik ang tabi niya.

Sunod-sunod na umiling si Silas at saka natawa.

"No need. I'm more comfortable here," aniya at saka pasikretong kumindat pa sa akin.

Nangasim naman ang aking mukha dahil doon. Ang cringe!

Nagulat ako nang biglang hawakan ni Seya ang dibdib ko at saka unti-unting nilapit ang tainga niya rito.