CHAPTER 12

Sinulit ni Andrei ang mga panahon na kasama niya si Tamara. Lahat ng pagmamahal at pag-aalaga ay ibinigay niya sa dalaga para iparamdam kung gaano ito kahalaga sa kan'ya .

Hanggang sa ipinatawag sila ni David. Kumuha na pala ang tiyuhin ni Andrei ng wedding planner dahil nababagalan ito sa pamangkin niya.

"Ano ang gagawin natin? Kung ako kasi ang tatanungin ay mas gusto muna kitang makilala," sabi ni Tamara. "Masyadong mabilis kasi ang nangyayari sa ating dalawa."

"Hayaan mo lang si Uncle David. Gan'yan lang siya dahil ayaw niya na akong manatili sa pagiging sundalo. Kung ano ang gusto mo, iyon ang susundin natin. Ang mahalaga kasi sa akin ay ang kaligayahan mo," wika ng binata.

"Thank you. Ayaw ko kasing pumasok sa isang commitment na hindi ako sigurado," sabi ni Tamara.

Ngunit nang nalaman ni David ang naging pasya ng magkasintahan ay tinawag sila nito. Sa opisina ni David sa loob ng mansyon ay para silang mga batang paslit na senermunan ng tiyuhin ni Andrei.

"What are you wai