Chapter 53: Bothered

“HOW IS HE?” tanong ni BK kay Ian nang makapasok sa loob ng silid ni Max na inuukopa.

Narito sila ngayon sa CMC dahil dito naka-confine si Max..

“He’s fine now. But his knee?” Bahagyang nalungkot si Ian sabay pikit. “I don’t know. We are still waiting for the result.” Napatingin sila ni Ian kay Max nang dumaing ito habang tulog.

Hindi niya maiwasang maawa kay Max. Isinugod ito sa ospital matapos na makipagbuno sa kakambal nito. Naisahan si Max nang sabihin ng kambal na sumusuko na ito, ‘yon pala ay palabas lang nito. At nang magkaroon ito ng pagkakataon, inundayan nito ang tuhod ni Max ng kutsilyo at pinatamaan ng baril din.

Kung pagbabasehan ang mga naikuwento ni Paul at Ian, nababaliw na yata ang kakambal ni Max. Walang ibang dahilan kung hindi dahil sa kayamanan ng mga Frost. Gustong angkinin nito ang lahat ng kayamanan dahil ito raw ang nararapat. Akala niya, dito lang sa Pilipinas ang may magulong pamilya, gano’n din pala sa Norway. Kahit saan yata, issue ito. Buti na lang, hind