CHAPTER 11- EMPTY AGAIN

"Trice, bilisan mo naman! Kailangan ako ni Marci, baby ngayon!"

Bakas ang excited sa tono ni Mer habang kinakaladkad ako papuntang A-hospital.

"Teka, teka..." Hindi ko na halos matapos ang linya ko dahil sa pagmamadali nito.

Dalawang linggo pa nga lang ang nakakaraan mula nang maikasal si Kenshane at malaman namin na buntis din ito ay ngayon naman ay si Marci naman ang manganganak. Nasakto pang gabi na ang panganganak nito.

"Saglit naman, haduf ka talaga! Nasasaktan ako, ha!" asik ko pero para bang wala siyang naririnig.

Nakaramdam talaga ako ng pagkainis dahil sa pangangaladkad niya sa akin. Puntahan ba naman ako sa aking flat at marahas pa ang panggigising na ginawa sa akin. Nakatulog kasi ako sa sala habang nanunuod.

Kung makaasta ay para namang siya ang asawa ni Del Pilar, eh hindi naman. Puwede naman din siyang pumunta nang mag-isa kaya bakit kailangan niya pa akong kaladkarin?

Tulad noong nanganak si Kenya ay nandito din ang lahat ng Prime Agents para makiusyoso. Halatang