CHAPTER 35- TAMED BY HIM

"Tapos na kaming mag-imbestiga sa naganap na kaguluhan sa huling show ng YB at lahat ng lead na nakuha namin ay nagtuturo sa PC. Mula sa klase ng bomba na ginamit at sa balang nakuha sa katawan ni Trice," bigay-alam ni Marciella.

Napatango naman kaming lahat. Tatlong araw na rin ang nakakalipas mula nang mangyari iyon. Naka-recover na rin ako sa lason.

"Ang ipinagtataka lang namin ay kung paanong may dalawang bomba na naka-deactivate sa backstage ng hall? Tanging ang nasa dressing room lamang ang sumabog dahilan para maging mahina ang impact nito sa loob ng hall."

Napatingin naman kaming lahat kay Jeannie. Ito nga pala ang naatasan na manguna sa imbestigasyon.

"Posible bang may agent na mula sa ibang agency ang gumawa niyon?" usisa ni Gab.

"Nakipag-ugnayan na kami sa ibang malalakas na agency pero lahat sila ay nagsasabing walang alam. Maging ang RAO ay wala ring sagot na maibibigay. Tanging si Sathorn at Summer lamang ang agents nila na nandoon sa pangyayaring iyon."

Saglit na na