Chapter 233 He Give Up

( Dr. Eriez )

"Wala ba talaga sa inyong nakapansin ng kakaibang kilos niya."

"Hindi po nga po namin aakalain na aalis siya. Saka hindi pa naman siya gaano nakakahinga tungkol sa pagdukot sa kanila kahapon."

Hindi 'to maganda.

"Nakakasigurado ba kayong unalis si Miss Janine?"

Hindi sila kumibo. Kakaiba ang mga kinikilos nila. At parang malinaw na may nangyayaring mali.

"Dr. Eriez, pinapatawag po kayo ni Master Julius."

At bago pa man ako sumunod sa tauhang yun. Tinignan ko si Deo. Alam kong kumikilos na rin siya para ayusin ang gulong 'to. Na ikinatango niya.

Pagdating ko sa silid. Kalong ni Julius ang anak niya.

Nasa ibabaw ng mesa ang sulat.

"Sulat kamay niya yan." Si Julius mismo ang nagkompirma.

Tinignan ko siya. Sumusuko na ba siya?

"Hindi ako nagagalit sa ginawa ni Janine, nauunawaan ko siya. Kung ako nga siguro ang nasa katayuan niya, tulad ng isang