CHAPTER 76 SEASON 3 ANG WAKAS

Nang magising si Margaux na makikitang mugto pa ang mata ay agad na siyang nag-asikaso upang mag-almusal pero nakakapagtakang hindi niya amoy na may nagluluto sa kusina, madalas ay maririnig at maaamoy niya agad na mayroong nagluluto tuwing gumigising siya pero ngayon ay wala.

Tulad ng inaasahan, wala ngang nagluluto sabay lingon niya sa kwarto ni Ley, sinubukan niyang kumatok pero wala siyang naririnig na kilos sa loob kaya naman agad na niyang pinihit ang door knob.

Agad na tumambad sa kaniya ang kwarto ni Ley at wala ito sa loob, bahagyang nakaramdam siya ng kaba kaya naman mabilisan siyang nagbihis at umalis agad ng bahay nagbabakasakaling maabutan niya pa si Ley sa daan.

Nang makarating ng templo ay agad siyang nagtungo sa kusina upang i-check si Ley pero hindi niya ito makita roon kaya naman walang ano-anong tinanong na niya ang punong kusinera.

"Ma'am, maari ko po bang malaman kung nasaan si Ley?"

"Nako iha, maaga siyang pinuntahan dito ng mga taga-bulwagan ng mga mongha pero s