Chapter 14

Zemira

Hindi ko maiwasang mapakurap nang lumantad sa akin ang napakaganda at mukhang modernong sala. Napapaligiran ako ng pinaghalong white at gold na kulay ng pader. Mayroon ring kulay ginto na crown molding na nakapaikot sa bawat sulok ng kisame sa buong silid. Ang mga wall lamps, floating shelves, paintings at iba pa ay katulad ng mga nakikita ko sa mga binabasa kong mga istorya at sa mga magasin patungkol sa mga grand hotels sa ibang bansa.

Napababa ang tingin ko sa inaapakan at nakita naman doon ang nagkukumintab na marble flooring. Kulay puti rin ito at may mga disenyong kulay gintong mga linya.

Nagawi naman ulit ang tingin ko sa L-shaped na sofa na nasa gitna ng sala, kulay puti rin ito at ginto naman ang kulay ng mga paa. May tatlong mini pillows ang nakapatong sa ibabaw nito. Sa tingin ko ay kasya ang walong tao rito. Kaharap nito ang salamin na center table a