Kabanata 10

Kabanata 10

HINDI alam ni Odette kung paano siya uuwi. Sa sobrang sama ng loob at kahihiyan niya ay umalis na siya pagkatapos ng interview. There was no reason left for her to stay inside that building.

Masama ang nangyari sa kanya sa building na iyon. Ano pa ang dahilan at tatanga siya sa loob, kung makikita niyang nagsasaya ang lahat habang siya ay nagluluksa sa kanyang pagkabigo?

Masaya naman siya sa para sa mga kasamahan na papasa sa interview pero hindi niya kayang makiharap at ngumiti. Pihadong iiyak lang siya.

She was so down. Sa halip na tumungo sa kung saan ay dumiretso siya sa eskwelahan ni Ammiry. Mas mabuti pa ang hintayin niya na lang ang anak niya, kaysa sa tumunganga siya kung saang lugar.

She weakly sat on the cemented bench. Humaba ang leeg niya para tanawin ang anak niya sa loob ng classroom. Alas onse onse ang labasan nina Ammiry, at nasa isang oras na lang naman ang ipaghihintay niya. Nag-text siya sa lola Ely niya na siya na ang susundo sa bata. Wala na siyang sin