Chapter 31: Mag-umpisang Muli

Agad na tinambol ng kaba ang dibdib ni Diana sa tanong ni Nick. Sariwa pa sa isip niya ang kanyang panaginip. Madalas bumagabag sa kanya ang mga panaginip na 'yon.

May nasabi ba siya na hindi dapat?

"Diana, kaninong baby ang tinatawag mo?" pag-uulit ni Nick.

Lalong naguluhan ang dalaga, hindi makapag-isip ng mairarason sa asawa.

“Pinagpapawisan ka,” si Nick ulit maya-maya, magaang idinampi ang kamay nito sa kanyang noo. “I will call the doctor,” anito. At bago pa makuhama si Diana, tuluyan nang naglakad palayo si Nick.

Habol ang hiningang ipinaikot ng dalaga ang paningin sa loob ng silid na kanyang kinaroroonan. Wala siya sa kanilang bahay,natitiyak niya. Hindi rin ‘yon ang guest room sa mansiyon ng mga Gutierrez. Bumaba ang kanyang mga mata sa kamay niya. Noon niya napansin na may nakakabit sa kanyang suero.

Nasa ospital ba siya? Paano siya nakarating---

Napasinghap si Diana nang bumalik ang kanyang alaala bago siya panawan ng ulirat. Naalala niyang mainit ang kanyang pakiramdam