Chapter 33: Kaibigan

“A-ayos ka lang, Nick?” alanganing tanong ni Diana sa asawa na noon ay tila hulog sa malalalim na pag-iisip habang nakatanaw sa kadiliman ng gabi sa may binta ng hospital suite ng dalaga.

Kaninang hapon, matapos nitong bumalik mula sa opisina, halos hindi na ito umiimik. Nag-aalala siya na baka nakalimutan na nito ang usapan nilang pagsisimulang muli bilang magkaibigan dahil sa inaakto nito. Subalit tinutulungan pa rin naman siya nito, inaalalayan sa mga pangangailangan niya. Pero ramdam ni Diana ang malaking pagbabago kay Nick mula nang makabalik ito doon sa ospital.

Nang hindi sumagot si Nick, napilitang bumangon sa kama si Diana at maingat itong nilapitan. “Nick,” tawag ulit ni Diana sa asawa nang hindi nito mapansin ang paglapit niya.

Bumaling si Nick sa kanya, bahagyang rumehistro ang gulat sa mukha. “Hey, what are you doing out of bed? Gabi na, dapat natutulog ka na—“

“All I did for the past few days was sleep and get rest. Nick. Nakabawi na ang katawan ko. Pero nag-aalala ako