Chapter 34: Pagsisimula

“Diana?” pukaw ni Nick kay Diana nang makita nitong abala sa pagluluto sa kusina ang asawa. “What are you doing?”

Nilingon ni Diana si Nick, bahagyang ngumiti. “Nand’yan ka na pala. Hindi ko napansin,” sagot ng dalaga, mabilis na tinanggal ang apron na suot, kinuha ang potholder at inalis sa stove ang pot. “Umupo ka na doon sa kitchen island. Ihahanda ko lang ‘to. Nagluto ako ng hapunan.”

Nagsalubong ang mga kilay ni Nick. “You cooked? You’re not supposed to be cooking or do anything just yet. You’re still recovering. Bakit, hindi ba dumating ang mga katulong sa mansiyon?” tanong ng binata, dahan-dahang umupo sa stool sa may kitchen island.

Halos dalawang araw pa lang mula nang makauwi si Diana sa ospital. At mula noon, nagpapatawag si Nick ng mga katulong sa mansiyon upang ipagluto ang asawa. Umaalis lang mga ito sa hapon na handa na rin ang kanilang hapunan. He wondered what happened at si Diana ang nagluto ng kanilang hapunan.

“Dumating sila, Nick. Pero ako ang nagsabi na ako ang