Chapter 35: Pagpapatuloy Ng Pagkakamabutihan

Malakas na buhos ng liwanag na lumalagos sa bintana ang siyang nagpagising kay Diana kinabukasan. Kinailangan niya ng ilang minuto upang mapagtanto na wala siya sa guest room, kundi nasa mini-library pa rin kung saan sila nagniig ni Nick kagabi.

Nick.

Kumurap ang dalaga nang maalala ang asawa, biglang napabagon sa kanyang kinahihigaan. Noon lang niya napansin na nasa reading couch siya ng library at ang tanging tumatakip sa kanyang kahubdan ay isang puting kumot na marahil ay si Nick ang naglagay sa kanya. Dumako ang kanyang mga mata sa kanyang nakatiklop nang night dress sa mesa. Agad na nag- init ang pisngi ng dalaga nang maalala ang nagdaang gabi.

Ilang beses siyang inangkin ni Nick, dinala sa rurok ng kaligayahan ng kanilang pag-iisa. Kung noon ay marahas ang gawi nito, kagabi, buong suyo ang paghaplos at paghalik nito sa kanya. Na para bang isa siyang babasaging porselana na kailangang pag-ingatan. Wala sa sariling napahaplos sa kanyang labi si Diana, ramdam pa niya ang mga halik