Chapter 37: Kuwintas

“Pakihanda ang financial reports mula sa overseas branches natin, Vincent. I want everything on my table bago magtanghali,” ani Nick habang tumitipa sa kanyang laptop at nagre-reply sa kanyang emails.

Alas nuebe pa lamang ng umaga subalit gusto na ng binatang matapos ang lahat ng kanyang trabaho bago mananghali. Pinangakuan niya kasi si Diana na manananghalian sila sa labas. Naisip niyang ni minsan hindi pa sila lumalabas na sila lang dalawa. It’s just another part of him building his friendship with his wife.

Friendship.

Gustong humalakhak ni Nick. Isang kalokohang matatawag na hanggang pagkakaibigan lang ang mayroon sila ni Diana. Sa nakalipas na isang linggo, halos hindi na sila mapaghiwalay ng asawa. Maaga itong gumigising sa umaga at pinagsisilbihan siya ng kanyang mga pangangailangan bago pumasok sa trabaho. Sa opisina naman, he’d send her text messages to ask how her day is going or just to keep him from wanting to rush home and be with her again. At the end of the day, he’d al