Chapter 20

Valeen

Pagdating ng gabi ay napagkasunduan ng magpipinsan na magbonfire sa tabing dagat. May dumating na dalawang babae na sa palagay ko ay halos mga ka edad ko lang din.

Sumunod sila dito sa resort at doon ko nalaman na girlfriend pala ni Hayes at Sean ang mga ito. Humabol sila dito sa resort dahil may mga trabaho pa daw sila kanina.

Masaya naman silang kausap at mababait din sila. Tingin ko matagal na silang nakakasama sa gaitong event ng pamilya dahil close na sila sa mga matatandang Samaniego. Mukhang ako lang ang newbie dito.

Paglapit ko sa grupo ay nakaset-up na ang bonfire. Sinalubong naman ako agad ni Drake at pinaupo sa tabi niya. May mga mababang upuan na nakapalibot sa apoy at masaya ng nagk kwentuhan ang lahat.

May beer and chips as well as barbecue na nakahain sa harap namin at ng makaupo ako ay agad naman akong inabutan ni Sean ng beer.

“Hindi siya iinom!” pigil naman ni Drake sa pinsan niya pero siniko ko ito at inabot ang beer dahil nakakahiya naman kung tatanggihan k