Chapter 12

Pinagtulungan naming ibaba mula sa kaniyang sasakyan ang mga pinamili namin.

Mabuti na lang at may dalawang staff ng condo ang lumapit sa amin upang tumulong. May dala silang cart.

Sila na din ang nagtulak ng cart hanggang sa elevator. Hinatid din nila kami hanggang sa unit ni Joshua.

Napangiti ako nang abutan sila ni Joshua ng pera.

Tinanggihan pa nila ito pero pinilit ni Joshua na kunin na nila.

Mabait naman pala ang mokong na 'to.

ANG mga fresh goods ay nilagay ko muna sa sink. Uunahin kong ayusin ang mga pinamili niyang groceries.

"Bakit mo binabalik?" nagtataka kong tanong nang ibalik niya sa karton ang ilang mga delata at instant noodles na nilabas ko na.

"Sa'yo ang mga ito," aniya na kinagulat ko. Halos lahat ng delata ay nilagay niya sa karton. Iilan lang ang tinabi niya para sa kaniya.

Dalawang karton lahat ng binili niya ay ibibigay niya sa akin?

Kumunot ang noo ko. At ilang sandali pa nga ay nagkaroon na ako ng hindi magandang kutob sa kaniya.

"Umamin ka nga!"

"