Chapter 58

"May ilang oras pa bago magdilim. Kailangan nating kumuha ng mga kahoy upang gawing panggatong," sabi ni Joshua.

Walang kaserola, kawali o kahit kaldero na maaring paglutuan, kaya poproblemahin pa namin ngayon kung paano kami makakapagluto ng aming kakainin.

Lumabas siya ng cottage kaya sumunod ako sa kaniya.

Mayroon na siyang hawak na maliit na bolo.

"Saan ka pupunta?" tanong ko nang maglakad siya.

"I'll get some dry woods or branches." Tinuro niya ang maliit na gubat sa may kanang bahagi nitong isla.

Hinubad ko ang suot kong blazer. Sasama ako sa kaniya.

"You stay here," utos niya pero inunahan ko na siya sa paglalakad.

"Malamok doon," sabi niya habang nakasunod sa akin.

"Tss! Tingin mo naman, takot ako sa lamok?"

Nayayamot siyang umungol.

"Hindi ako lumaki bilang prinsesa ng mga De Lucca. Lumaki ako sa kalye. Lumaking si Petra."

Wala siyang nagawa kundi hayaan na lang ako. Namulot ako ng ilang mga sticks. Si Joshua naman ay nanghila ng mga tuyong dahon niyog.

Hila-hila niy