Chapter 7 (Part 25)

"The hell?" Nagsalubong ang mga kilay ko. Akmang lalapitan ko siya nang pinigilan ako ni Cayer. Nilingon niya ako.

"He's dangerous, Miss Shian. We both know na masasaktan ka rin kapag nilapitan mo siya."

Mas nagsalubong ang mga kilay ko. "Fuck..."

"Ayoko ng gulo rito, Shianna. Just give Solei to me at maayos tayong dalawa." Gamit ng mga daliri ay sinuklay ni Vincent ang kan'yang malambot at itim na itim na buhok. At dahil sa kan'yang ginawa ay bumakat sa kan'yang coat ang kan'yang matipunong katawan.

I looked away. "And why would I give him to you, Vincent? Walang maling ginawa sa'yo si Solei."

"Wala naman talaga siyang ginawang mali sa'kin, Shianna. Pero sa'yo?" Umigting ang kan'yang panga. "Mayroon."

Nilingon ko si Solei nang mapansing akmang lalapitan niya si Vincent. Hinuli ko ang kan'yang kamay dahilan upang mapatingin siya sa akin.