Kabanata 14

Kabanata 14

Hindi lahat ng anak sa labas ay nabuo dahil sa pagkakamali. Ang iba ay sadyang nabuo dahil sa pagmamahal. Hindi lang tatlong beses na ikinuwento sa akin ni Mama na sila ang tunay na nag-iibigan ni Papa. Masaya sila noong una. Nangarap sila ng isang buong pamilya na pupunuin nila sa pagmamahal.

Hindi nangyari ang lahat ng pangarap nila. Si Papa ay ipinangako ng mga magulang nito sa isang babae na galing sa isang mayamang angkan sa Quezon. Mayor na noon si Papa at gusto ng magulang niya na maging maganda at mabango ang imahe nila sa buong probinsya. Hindi tago sa publiko na matapobre sila.

Pinagbantaan nila si Mama upang palayuin kay Papa. Naging matapang siya ngunit sa huli ay si Papa ang unang bumitaw.

Ang pag-iibigan nila Papa at Mama ay nagtapos ng walang tutol na nagpakasal si Papa kay Donya Meliscia.

Sa araw ng kasal ni Papa ay nalaman naman ni Mama na nagdadalang tao siya.

Hindi na siya naghabol at lumipas ang mga taon ay tahimik kaming nanirahan sa Tiaong, Quezo