Kabanata 13.2

“Sana ikaw na lang nasugatan no tapos ako naman ang magsasabi niyan sayo. Napuyat ako ng dahil sayo, hindi ako nakatulog ng maayos at hanggang ngayon ramdam ko ang hilo sa ulo ko. Nakarinig ka ba ng reklamo sakin?”

“Hindi ko naman sinabi sayong alagaan mo ako. I never asked your help.”

“Ibang klase ka rin talaga eh no? Imbis na pasasalamat ang marinig ko mula sayo, pagmamayabang mo pa ang maririnig ko. Huwag kang mag-alala kapag nawala na ang konsensya ko kahit mamatay ka pa sa harapan ko wala akong pakialam.”

Hindi naman na sila nag-usap na dalawa nang dumating na si Paul dala-dala ang medical kit.

“Ako na,” ani ni Beatrice ng akma sanang gagamutin ni Paul ang sugat niya. Hindi naman yun masyadong malaki at malalim, sadyang malakas lang talaga tumagas ang dugo niya kapag nasusugatan siya na aakalain mong malaki o malalim ang sugat niya.

Matapos niyang malagyan ng band aid ang sugat niya ay tumayo na rin siya.

“Thanks,” baling niya kay Paul.

“Siya nga pala, Mrs. Marissa gave me this a