Kabanata 21.1

Napabuntong hininga na lamang ako ng matapos kong pag-aralan lahat ng mga transactions na ito. Marami-rami na rin pala silang nakukuhang pera ng kompanya at kung tutuusin kapag nabawi iyun ng kompanya sa kanila. Hindi na aabot ang anim na buwan para mabawi ang lahat ng nagastos dahil sa nasirang building.

Halos magkakalahating taon na rin nila itong ginagawa at hanggang ngayon wala pa ring nakakahuli sa kanila. Hindi man lang ba nag-iimbestiga ng palihim si Blaze sa sarili niyang kompanya? Masyado na yata siyang nagfofocus sa iba niyang trabaho.

Nilingon ko si Aaron na pumasok ng office ko ng wala man lang katok.

“May kailangan ka?” tanong ko ng diretso lang niya akong tiningnan.

“It’s a urgent meeting. Nandun na silang lahat, ikaw na lang ang wala.” Blangko niyang saad sa akin. Napakunot na lang ang noo ko dahil mukhang importante nga ang pagmemeetingan base pa lang sa itsura ng mukha niya.

Kinuha na ang mga papeles na naglalaman ng mga transactions ng mga tiwali rito sa kompanya