Kabanata 44.2

“Kung nalaman niya ang tunay mong pagkatao paano pa kaya ang anak mo? Ina rin siya pero bakit kailangan niya itong gawin gayong magkasing-edad lang sila ng anak niya. Nababaliw na ang kapatid mo.” inis na ring wika ni Sabrina, napapahigpit na lang ang pagkakahawak niya sa manubela dahil gusto niya ng sampalin ng paulit-ulit ang mukha ni Camilla dahil sa pandadamay nito sa batang walang kamuwang-muwang.

Mabilis silang nakarating sa park at may mga ilan na ring mga pulis ang nakapaligid. Delikado ang mga ito lalo na at hawak-hawak pa ni Camilla ang anak niya.

“Walang magpapaputok. Pakiusap, walang magpapaputok.” Sigaw ni Beatrice sa mga pulis na nakatutok ang mga baril sa pwesto nila Camilla.

“Dalhin niyo sa akin si Eilish!!” rinig pa niyang sigaw ni Camilla, nakipagsiksikan na siya sa mga taong nakikius-sosyo sa nangyayari.

“Anak, nakikiusap ako sayong huwag mong gawin ‘to. Ano bang problema? Bakit mo pa hinahanap ang kapatid mo gayong matagal na siyang patay. Bitawan mo na ang bat