40

40.

“KUNG ako sa iyo, pumunta ka na sa party, para wala ng masabi ang ex mo sa'yo,” aniya kay Lush habang kausap ito sa cellphone.

Nasa ospital na iyon at siya ay nasa penthouse na. Gabi na at mag-isa siya. Lahat ng ilaw ay nakabukas dahil wala siyang kasama, pero hindi siya natatakot. May kasama pala siya, ang pusa. Nakakatuwa naman dahil nang hilingin niya kay Lush na kunin si Muse sa condo ay ipinakuha naman kaagad sa tauhan nun.

“Damn. I really don't want to go there, sweetie.”

“Saglit lang naman yun,” aniya pa rito kahit na sa loob niya ay ayaw niya itong pumunta.

Pastilyas na matigas! Nagseselos siya kapag naiisip niyang makikipag-lampungan si Lush sa babae na iyon o kung kaninong babae man, pero wala siyang magawa. Gusto niyang itulak ito sa iba para kapag naghiwalay sila ay madali lang ang lahat sa kanila.

Pakiramdam ni Ruth, siya ay may bomba sa ulo, may isang sakit na may taning ang buhay, na anumang sandali ay magwawakas. Habang tumatagal ang panahon ay lalo siyang napapala