C20

C20

SALAMAT naman at hindi nagkatotoo ang kinatatakutan niyang World War 3. Nabawi niya kaagad ang nakita niyang tabang sa mukha ni Heart kanina.

Sana ay huwag na rin pumunta si Silvana sa restaurant para huwag na silang magkita pa.

Nasa loob sila ngayon ng 3VP room. Gising na si Lush at kumakain ng ham.

"Hindi ko alam kung magkaka-grade pala ako ngayong sem, sabi ni Miss Collins sa akin," ani Heart sa kanya kaya medyo napatigil siya sa pagnguya.

"And why is that so?"

"Pero feeling ko magkaka-grade naman ako. Pinaliwanag ko naman ang side ko nang maayos. Sabi ko unfair naman kung dahil sa status ko ay ibibitin nila ang pinaghirapan ko. Labas naman kako ang pagiging estudyante ko sa sitwasyon ko sa buhay. Feeling ko na-kumbinsi ko naman siya."

"Uhm," tango niya, "Dapat lang dahil baka mawalan siya ng trabaho."

"Lux!" Saway nito sa kanya pero nangingiti siya.

"Mimi, call Daddy Bibi, not Lats. You call him Bibi," kampi sa kanya ni Lush kaya nangingiti si Heart na kinurot ang pisngi ng an