C29

C29

PAGKATAPOS na makapagsimba ng pang alas seis na misa ay diretso sa kainan sina Lux. Kasama ang pamilya nina Elisa at ni Caleb ay napagkaisahan na pumunta muna sa restauran. Hindi na nakapagpa-reserve pa ang mister niya dahil biglaang plano lang iyon. Ayaw naman daw ni Carmen sa Macho dahil nakakasawa na doon. Doon na daw iyon tumanda kaya gusto naman ay sa ibang lugar na.

"Ate, ano ba yung may content tungkol sa iyo saka sa businessman daw. Kalat na kalat sa social media," bulong sa kanya ni Katy nang sabay silang bumaba ng sasasakyan.

"Ewan ko nun. Pumunta lang ako dun kasi yun ang bakanteng oras ni Charles. Tinanong ko lang kung may anak talaga yung girlfriend niya sa pagkadalaga. Tinanong ko sana kung sino ba ang ama pero di niya alam."

"Tapos na-tsismis ka na? Aba, 500k agad ang nanood ng vlog niya. Pinagkakitaan ka niya."

"Sino?" Mabalasik na tanong ni Lux sa kapatid.

"Hayaan mo na. Baka dun siya kumikita. Basta ako, ewan. Sa mga lumilipas na araw napag-aaralan ko na rin na 'w