Chapter 72 - My Moves

Chapter 72 - Lux

Padaskol na inilapag ni Lux ang bagahe ni Diana nang makarating sila sa Maynila. Nakamasid ito sa kanya tapos ay tinalikuran niya.

"S-Saan ka pupunta?" Hahabol-habol ito at halos mapailing siya nang makita niyang ito ay nakahawak sa puson.

Mapagpanggap!

"May aasikasuhin," matabang niyang sagot, malalaki ang paghakbang pero nakabuntot pa rin ito.

"Sasama ako."

"Bed rest," aniya pa pero hinawakan siya nito sa braso kaya agad siyang napatigil, "just stay here. Baka mapaano ang bata. Aasikasuhin ko lang ang annulment dahil tumawag si attorney."

Tumawag naman talaga ang abogado at ngayon ay may bago siyang isusumete sa matandang iyon, ang kanyang napatunayan na panlilinlang sa kanya ni Diana. That was another grieve reason for him to get the decision in no time, pero hindi iyon ang uunahin niya.

Pupunta siya sa restaurant at kakausapin niya si Gigi. Pupunta siya sa townhouse at magsasagawa ng sarili niyang imbestigasyon. Oo, galit siya pero bibigyan niya si Heart ng patas