Kabanata 13

Hailey POV

Inilibot ko ang aking mga mata ng magising ako at napagtanto kung nandito ako ulit sa kwarto na tinutuluyan ko sa bahay ni Killian,  hanggang ngayon ay ramdam ko pa rin ang sama ng pakiramdam ko at sakit ng ulo, naalala ko na nabasa ako ng ulan kagabi no'ng umalis ako sa bahay ni Killian.

Habang nagmumuni-muni ako ay napansin ko ang palanggana na may lamang tubig at bimpo, napakunot ang noo ko dahil dito, imposible naman na si Killian ang may gawa nito pero pwede din naman dahil wala naman silang ibang kasama sa bahay.

Maya maya pa ay napansin ko na iba na ang suot kung damit kaya nanlaki ang mga mata ko ng mapagtanto na may nagbihis na akin at alam kung isang tao lang ang makakagawa no'n. Bigla ako g makaramdam ng hiya ng isipin 'yon.

At kahit na masama pa ang pakiramdam ko ay napagdesisyunan ko ng tumayo dahil kailangan ko pang ipagluto ng almusal si Killian alam kung tanghali na magiging 'yon dahil wala siyang pasok sa opisina.