Kabanata 50

Sa mga nakalipas na linggo ay naging maayos ang relasyon na meron sina Killian at Seline, kaya labis na lamang ang saya na nadarama ng dalaga dahil dito. Iniisip niya na tuluyan niya ng nakukuha ang puso ng binata.

Kasalukuyang silang nasa sasakyan ng binata dahil ihahatid siya nito sa bahay ng kanyang kaibigan bago ito pumunta sa opisina, hindi din nagtagal ay narating nila ang bahay kung saan siya pupunta.

"Gusto mo bang pumasok muna sa loob?" tanong ni Seline, ngunit umiling lang si Killian.

"I need to go in the office now, marami pa akong kailangan na tapusin." sagot naman nito.

Tumango naman si Seline at saglit na hinalikan ang binata sa pisngi at bumaba na ng sasakyan, kumaway pa ito kay Killian bago tuluyang pumasok sa loob ng bahay ng kaibigan.

Agad naman na inistart ng binata ang makina ng kanyang sasakyan at nagsimula ng magmaneho ng kanyang kotse papunta sa opisina.

Halos 30 minutes din ang naging byahe ni Killian dahil hind