CHAPTER 34

"GOOD MORNING, Mrs. Sabastian."

Ang bati na 'yon ni Ms. Valdos ang sumalubong kay Sam nang pagpasok niya sa opisina kinabukasan. Ngiting-ngiti ito sa kaniya pero tila naroon pa rin ang pagkailang. Siguro ay naiisip pa rin nito ang nangyari nitong mga nakaraan araw.

"Good morning, Ms. Valdos. Nariyan na ba si Gareth?"

Tumango ang babae. "Kanina pa po at mukhang mainit ang ulo niya. Naririnig ko po kasi ang mga paninigaw niya sa mga kausap niya sa telepono."

"Ganoon ba," aniya na lihim na nagdasal na sana naman ay huwag ibuntong nito sa kaniya ang init ng ulo nito. For petes' sake, ayaw na muna niyang makipag-away dito dahil sobra na ang mga iniisip niya nitong mga nakaraang araw.

Nagtuloy-tuloy siyang pumasok sa opisina at sigaw agad ni Gareth ang sumalubong sa kaniya.

"How many times do I need to tell you, Ms. Valdos na hindi ako tatanggap ng bisita toda-" natigilan si Gareth nang pag-angat ng mukha nito mula sa papeles na binabasa ay siya ang