CHAPTER 14 (Masquerade Ball)

Isang kulay maroon na pinalilibutan ng puting Kristal sa gilid ang disenyo ng gown na susuotin ni Athena sa gabing iyon ng Masquerade Ball. Isang off shoulder ito kaya kita ang hubog ng maganda at makinis na harapan ng dalaga. Mayroon ding kulay maroon na hugis paru-parong maskara sa mata na ka-terno ng kanyang elegante at magandang gown, gayundin ang kanyang 4 inches na stilleto na mas nagpadagdag pa sa kanyang mataas na height.

Kasalukuyang inaayusan si Athena ng inarkilang stylist ni Ram sa hapong iyon. Iyon na kase ang gabi na gaganapin ang Masquerade Ball sa isang mamahaling Hotel sa Makati. Kinakabahan man si Athena ay sinabi niya sa sariling kakayanin niya. Hindi lang dahil sa mayayamang negosyante at Pulitiko ang nandoon kundi kinakabahan din siya para kay Angelo. Hindi imposible na may makakilala sa binata sa gaganaping Masquerade Ball mamaya. Paano nga kung may makakilala sa binata? Kahit pa naka-maskara sila ay may posibilidad parin. Kakayanin kaya niya ang sunod na maaa