Kabanata 19.2

Palabas na ako ng store na yun ng makita ko si Ava at James na magkasama. Namimili ng mga make up si Ava habang tagahawak naman si James. Napangisi naman ako, akalain mo nga namang nagawa ka pa niyang katulong sa pagshoshopping. Nilapitan ko naman sila at sinasabayan sila sa paglalakad, nasa kabilang section sila habang nandito naman ako sa katabing section.

“Hindi ba at kabibili mo lang noong nakaraan Ava? Hindi mo pa iyun halos nagagamit lahat tapos bibili ka nanaman ngayon?” rinig ko pang reklamo ni James. Akalain mo nga namang ginawa ka pa niyang atm, bibili kung kailan niya gusto. Nang malapit na kami sa dulo ay sinadya kong mabangga ko sila. Kunwari ko namang nalaglag ang mga hawak ko.

“Naku pasensya ka na Miss,” anas pa ni James habang pinupulot pa ang mga nalaglag na dala ko.

“Ano bang ginagawa mo James?! Tumayo ka nga diyan!” inis na saad ni Ava, pinulot ko na rin ang iba at inilagay sa bag ko. &ldqu