Kabanata 31.1

“Bumangon ka na muna diyan para makakain ka at makainom ng gamot.” Sambit ko, ibinaba ko na muna sa side table niya ang lugaw na niluto ko saka ko siya tinulungang umupo at isandal ang likod niya sa headboard ng kama niya. Ramdam ko ang init ng katawan niya, masyado kasing workaholic kaya nagkakasakit eh, siguro wala nanamang tulog ang lalaking ito habang nasa trip nila kaya nagkasakit.

“Yung mga bata kumain na ba?”

“Huwag mo silang alalahanin dahil bahala na si Anna sa kanilang dalawa.” Kinuha ko naman na ang lugaw saka siya sinubuan. Tiningnan pa niya ako bago niya isubo ang isinusubo ko sa kaniya. “Sa susunod kasi magpahinga ka rin, ganito ka na lang ba kapag sinasakit ka? masyado mong sinasarili.”

“Sanay naman na ako ng mag-isa, walang mag-aasikaso kapag sinakit na.”

“Ewan ko sayo Samuel, ang tanda mo na pero yang isip mo parang bata. Kung walang mag-aalaga sayo