Chapter 46

LUTHER SARMIENTO

Naalimpungatan ako sa malalakas na katok sa pintuan ng kwarto ko. Pupungas-pungas akong bumangon at tiningnan ang relo ko. Alas tres na ng hapon. Pagkauwi namin kanina galing sa amusement park ay agad akong nakatulog pagkatapos naming mapatahan si Lorraine. Iyak ng iyak pa rin kasi ito hangang sa nakauwi kami ng mansion. Hinahanap niya ang kanyang Ina.

Kahit ako naguguluhan din. Alam kong si Abby ang nakita ko kanina. Nagbago man ang kanyang pananamit pero halata naman sa mukha, boses at kilos nito na siya si Abby. Pero bakit nagawa niyang baliwalain ang umiiyak naming anak na si Lorraine. Alam kong narinig nito kung paano malakas na umiyak si Lorraine habang tinatawag ang kanyang pangalan.

Agad akong tumayo at binuksan ang pintuan. Tumampad sa akin ang humihingal na si Nanay Nilda.

"Nay, ang lakas niyo naman makakatok! Alam niyo naman po sa lahat ng ayaw ko iyung naiisturbo ang tulog ko." bakas ang inis ko sa boses habang sinabi ang katagang iyun.

"Luther, magmadal