Book 8: Chapter 12-Mapagparusang halik

"Ma, kaibigan ko po at isa sa senyor sa trabaho." Agad na palilala ni Amalia kay Max sa ina.

Nang-aarok ang tingin ni Loida sa binatang kaharap. Alam niyang malayo ang edad nito sa kaniyang anak kaya may pagdududa sa kaniyang isipan. Ayaw niyang magkamali pa ang anak sa pagpili sa isang lalaki.

"Goodmorning po, pasensya na kung umaga ko nang naihatid ang anak niyo." Magalang na bati ni Max sa ginang.

"Pumasok muna kayo sa loob." Nilakihan ni Loida ang bukas sa pintuan matapos tanguan ang lalaki.

"Mommy!"

Napatingin si Max sa batang tumatakbo pasalubong kay Amalia. Ang cute nito at kamukha ng huli.

"Hello my Princess!" Idinipa ni Amalia ang dalawang kamay at paluhod na umupo upang salubongin ng yakap ang anak.

Napangiti si Max sa nakikitang saya sa mukha ni Amalia at ganoon din sa bata. Parang may mainip na kamay ang humaplos sa kaniyang puso habang pinagmamasdan ang dalawa. Naisip niyang ang gago ng ama ng bata dahil naisip nitong ipalaglag noong nasa sinapupunan pa lang ang huli.

"I