Book 9: Chapter 4-Mapagparusang halik

"Bingi ka ba?" iritabling tanong ni Rovelyn sa lalaking kaharap. Kanina pa niya ito napansin na tila nakikinig ng palihim sa nag-uusap sa loob ng bahay. Tulad niya ay nakasuot din ito ng sumbrero kung kaya ang kissable lips lang nito ang kanyang nasisilayan. Dumoble ang iritasyong nadarama nang ngumisi ito at alam niyang sa kanyang labi ito nakatingin.

Tila slow motion na itinuwid ni Wigo ang nakatagilid niyang ulo at inayos ang suot na sumbrero. Muling humulma ang pilyong ngiti sa kanyang labi nang umawang ang labi ng dalaga.

"I know that I have irresistible charm, Miss." May halong katotohanan na biro niya sa dalaga nang matulala ito.

Mabilis na inalis ng babae ang suot na sumbrero, na siyang bumura sa ngiting nakapaskil sa kanyang mapaglarong labi. Biglang natulero ang isipan at naisip ang tagpong nangyari isang buwan na ang nakaraan.

"Ikaw?" malakas na naibulalas ni Wigo na ikinatahimik bigla ng mga mga tao sa loob ng bahay.

"Uhmmpp!" Nakulong sa kanyang lalamunan ang iba pang