KABANATA 61

"Saan ka pupunta?" Tanong ni Art nang maglakad ako palabas. Nasa dining table sila at naghihintay sa niluluto ni Sebastian para sa almusal. Si Diego naman ay nasa sala at nakaupo sa couch habang naka-tsaa. Kasama ni Art sa mesa ay sina Felicity at Dustin. Hindi ko alam kung saan natulog ang dalawang iyan dahil no'ng makita kong niyakap ng babae si Art kagabi, bumalik na agad ako sa kwarto at naglock ng pinto. Naba-badtrip ako sa hindi maipaliwanag na dahilan.

"Kukunin ko si Glutton sa bahay—"

Nanlalaki ang mga mata ko nang makarinig ako ng nagmeow na pusa. Hinanap ko iyon pero wala akong nakita. Nasaan na iyon? Ako lang ba ang nakarinig o talagang may pusa dito?

"Anong ginagawa mo?" Tanong ni Art pero hindi ko siya sinagot. Hinanap ko talaga ang pusa. I looked under the chairs, tables, the floor, everywhere. Hindi kaya patay na si Glutton at minumulto na niya ako? Char lang.

"May narinig ba kayong pu