Chapter 14: Zion Restaurant

Lilie

Nakatulala lang ako sa kaniya. Ang bilis ng tibok ng puso ko, parang nabingi ako sa biglaang pag-amin niya. Hindi ko alam kung ano ang trip ngayon ni Lucas. Natawa na lamang ako at umiling. Baka mamaya ay binibiro lang ako nito.

"No, you're lying. Nagbibiro ka lang 'diba?" Pagtatanong ko sa seryosong boses. Kitang-kita ko tuloy ang pagkagulat sa mukha niya dahil sa sinabi ko.

Napakagat ako ng labi at napailing. Ayoko, ayoko munang maniwala. Baka mamaya ay naguguluhan lang din si Lucas katulad ko. Ayoko munang maniwala, natatakot ako. Baka mamaya ay biglaan siyang magbiro.

Umiling siya, kitang-kita ko kung gaano siya kadesperado na ipaliwanag sa akin ang nararamdaman niya. Kitang-kita ko kung paano siya matigilan