Chapter 16 (3) The Great Lost

(Angie POV)

May naghihintay sa akin sa labas para nga ihatid ako sa kinalalagyan ni Sayruz. Nang hinatid ako nito sa napakagarang restaurant sa loob ng gusali. Alam ko sa oras na ito marami ang kumakain ng kanilang hapunan… Sana maiwasan kong maging clumsy para iwas kuha ng pansin nang ilang tao sa loob. Hindi ako sanay na binibigyan nga ng attention. Sino naman ang may gusto? Lalo na hindi naman ako isang artista o performer man lang? Mas maganda parin namumuhay na mayroong privacy at simple lang.

Nakita ko kaagad si Sayruz. Nakaupo siya, at parang kanina pa niya akong tinititigan. Agad siyang tumayo para lumapit sa akin. May ngiti sa labi nito. Ngiti na parang hindi ko naman sana deserve. Lalo na malakas na naman na kumakabog ang puso ko dahil sa nangyayaring ito. Inilahad niya ang kamay sa harapan ko ng makalapit siya. Waa naman akong magagawa kundi ibigay ang kamay ko dito. Hindi ko na lang talaga namalayan yung mga taong napalingon sa amin.